Category: Соопштенија

Почитувани колеги,

Ве известуваме дека нашето барање за продолжување на рокот беше делумно прифатено. Со што, рокот за електронски упис и поднесување на молби наместо до 12.02.2021, продолжен е до 09.02.2021 23:59, додека пак молбата за плаќање на рати останува до 15.02.2021 23:59. Во текот на утрешниот ден ќе има официјално соопштение од факултетот околу продолжувањето.

 

Доколку по некој предмет немате оценка и не знаете дали сте го положиле, запишете го повторно, па кога ќе носите хартиени документи во пријавата ќе ги напишете предметите кои сакате да ги слушате тој семестар и соодветно ќе ви бидат заменети во iKnow од страна на студентска служба.

 

Доколку поднесете молба за 6ти предмет и:

1. Сакате да го смените – во хартиената пријава ќе напишете друг кој би сакале да го слушате

2. Не сакате да имате 6ти предмет – во хартиената пријава ќе ги напишете само оние 5 кои сакате да ги слушате

 

Дополнителни појаснувања околу уписот на предмети:

1. Како функционираат предметите со предуслов, дали треба да е слушан, да се има потпис или да е положен?

– Доколку моментално треба да се запише предмет од зимски семестар, а предуслов е предмет од зимски семестар, предметот којшто е предуслов треба да е положен.

Доколку моментално треба да се запише предмет од зимски семестар, а предуслов е предмет од претходниот летен семестар, предметот којшто е предуслов треба да е слушан. Доколку предметот е од пред 2 или повеќе летни семестри, тогаш треба да е положен.

Доколку моментално треба да се запише предмет од летен семестар, а предуслов е предмет од летен семестар, предметот којшто е предуслов треба да е положен.

Доколку моментално треба да се запише предмет од летен семестар, а предуслов е предмет од претходниот зимски семестар, предметот којшто е предуслов треба да е слушан. Доколку предметот е од пред 2 или повеќе зимски семестри, тогаш треба да е положен.

Примери: АПС (3 семестар, зимски) има предуслов ООП (2 семестар, летен) → OOП треба да е само слушан

Софтверско инженерство (4 семестар, летен) има предуслови OOП (2 семестар, летен) → OOП треба да е положен.

Компјутерски мрежи и безбедност (3 семестар, зимски) има предуслов АОК (2 семестар → AOK треба да е само слушан

 

2. Како да запишам 6ти предмет и колку се доплаќа?

– 6ти предмет се запишува со испраќање на молба, во периодот кога истите ќе бидат отворени, доплаќањето е 1230 ден за државна квота и 2460 за приватна квота

 

3. Што претставуваат нивоата на предметите и кои се нивните ограничувања?

– Секој изборен предмет има нивоа. L1 е за изборни предмети од прва година, L2 е за изборни предмети од втора година и L3 е за изборни предмети од трета година. Дозволено е земање на 1 предмет кој има L1, 6 предмети од L2 и неограничен број на предмети од L3. Нивото на предметот може да се види од неговиот код F18(Lx)..

 

Доколку имате било какви прашања, слободно контактирајте нѐ.

Е-пошта: fss@finki.ukim.mk

 

Со почит,

ФСС ФИНКИ